نتيجة اللوتري 2022 رابط موقع نتائج القرعة الامريكية 2021 ــ2022

 

 

 

 

 

 

 

 

 

 

 

نتيجة اللوتري 2022  رابط موقع نتائج القرعة الامريكية 2021 ــ2022 

 نتائج القُرعة الأمريكية خرجات عزيزي المتابع، الناس اللي 

 

دفعات فشهر أكتوبر الماضي ممكن يمشيو يشوفوا واش جاب الله التيسير.
حوالي 5000 مرضي و مرضية غا يهزوا قلوعهم نشاعلاه 

الرحمان الرحيم من الحفرة، و غادي يمشيو يعيشو فأحسن دولة فالعآلام اللي عندها أقوى باسبور فالعالام.

بلا ما نوصيك عاوتاني، كل عام غادي نقول ليك نفس الهضرة، الدق و السكات، إلى نجحتي سير جمع وريقاتك في هدوء و بلا 

ضجيج، كيف ماداروا كاع الأصدقاء اللي عندي فاللائحة اللي جاتهم و ما قالوها لتا واحد حتى لاحوا أول صورة من التايم سكوير.
سير بيع إلى لقيتي ما تبيع (طباسل الطاوس اللي فالفيترينا،  ديك التلفزة سمارت اللي ما بقا كيشوفها حد، شي دمالج د الواليدة مخبياهم للزمان) و جمع لوراق و الوثائق و دير شي بركة تحتك و توكل عالله و ما تلفّتش موراك، سير لأمريكا فإن فيها رئيساً لا يُظلم عنده أحدا.
و اللي قال ليك أش غا دير فميريكان أصاحبي، البعد و الغربة و البرد
عرف ديلمو ما حاملكش و حاسدك و تابعك (من التابعة)، قول ليه اللهم برد دولة كافرة عادلة و نعيش بكرامة، و لا صهد دولة 

مسلمة ظالمة عايش فيها بحال البهيمة.

بزاف د الأصدقاء للأسف ما كيعرفوش كيفاش يتأكدوا من واش 

سيليكتيد و لا هاز نوت بين سليكتيد، هاد المرة غا نعطيك 

الطريقة، تبّع معايا و دعي معايا تانا نخرج، راه كندفع ليها من لي 

كانت كتسيفط فالبوسطا، اييه قبل زمن الأنطرنط.
هانتا عزيزي المتابع،

دخل لهاد الرابط  dvlottery.state.gov

و كليكي على جملة Check status.

كليكي من بعد على Continue.

اكتب الكود أو الرقم اللي كان عطاه ليك الموقع نهار تسجلّتي.

اكتب تحتو الإسم العائلي ديالك فقط، بنفس طريقة كتابته في ورقة 

التسجيل، وبنفس علامات الترقيم التي يحتوي عليها.

اكتب تاريخ ميلادك.

عاود اكتب الكود اللي غا يبان ليك في الصورة.

اطلب الله من قلبك و كليكي على Submit.

تسنّى النتيجة تخرج ليك بالقبول أو بالرفض.

حظ موفّق للجميع و أخر دعوانا كيف العادة و دائما و أبدا

 رَبّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ.