غدا غادي ينتهي إتفاق نقل الغاز الجزائري إلى إسبانيا عبر المغرب اللي توقّع سنة 2011.
الجزائر كتنقل ما مجموعه ثلاثة مليار مكعب من الغاز سنويا لإسبانيا عبر التراب المغربي.
الجزائر قرّرات عدم تجديد الإتفاق هاد العام.
المغرب ربح العام اللي فات 2020 فهاد النقل 92 مليون دولار على شكل غاز طبيعي كان كيغطي بيه جزأ كبير من الحاجيات ديالو فالسوق المغربية من هاد المادة.
عند عدم تجديد العقد، هاد الخط ديال الأنابيب اللي تبنا ف 1996 غا يصبح في ملكية المغرب بموجب العقد الموقع بين البلدين.
الجزائر قرّرات تصدّر الغاز ديالها مباشرة لإسبانيا عبر ممر بحري يدعى ميدغاز يصل لألميريا الإسبانية.
المغرب الأن عليه البحث عن بديل،
لكن ما ننساوش تكلفة نقل الغاز الغالية عبر حاملات الغاز المُسال، و إلى شفنا أن أقرب دولة غير الجزائر اللي يقدر يجيب من عندها المغريب الغاز هي نيجيريا بعيدة عليه بخمسالاف كلمتر، الشيء اللي يقدر يتسبب فإرتفاع تكلفة الغاز على المستهلك المغربي في المدى المنظور.
التصرف ديال النظام الجزائري غبي و كينم عن كره شديد للشعب المغربي و ماشي للنظام الحاكم، لأن المتضرر هو المواطن البسيط فأخر المطاف، اللي كيقول عليه خاوة خاوة.
المغرب بدوره ما غاديش يحزّر الجزائر، اللي عندو باب واحد الله يسدّو عليه، و ما كيتسد باب حتى كيتحلّوا بيبان.
كلشي كيفوت و كيبقا لافوت، داك الغاز راه ما غا يدومش، واحد النهار غا يسالي و يمشي، لكن المغريب باقٍ و ما عندو فين يمشي.
المشاركات
0 تعليقات
أكتب لتعليق