الوحيدة اللي كاتمشي تريبي بيها فالثلج في عز الشتا وهانية وعلاقتها بسكان الارياف والجبال كعلاقة الطفل بثدي امه تهزهوم ويهزوها، وفاش كتحصل كيكونو اوفياء ليها ينزلو كاملين شي يجر وشي يدفع حتى يخرجوها وترجع هيا تهزهوم وتستمر الحياة
هاد الاميرة الألمانية الصنع بحال الام كتلقاها حاملة في كرشها رجال والعيالات وعلى ظهرها في السطاح حاملة دراري و سخرة وهي طالعة في العقبة كاتقاوم العزلة والتضاريس الوعرة مع المواطنين.
هي اللي تلقاها فاش تزير شي مرآة بغات تولد كتقوم بدور سيارة الاسعاف والى موصلاتش للطبيب مباشرة كتحول لقاعة الولادة.
مسكيينة كيحبوها جدارميا بزاف حيت هي اكثر وحدة كتخالف القانون وكضحي مع الناس تهز اللي تلقاه في طريق لي جا طلع نوصلك وفي الباراجات الشيفور ديالها كتحول الأكبر سياسي يقنع جادارميا انه مدايرش غرامة وغير مسكين وديما تلقاه عندو عشرين درهم ورقة
207 ممكن تهبط للرباط تجيب عروسة وتديها لمولاي السلطان حتى لكتامة😅 وممكن تدي عروسة من كتامة تا لكازا😂
207 و صنهاجة ومعها كل الارياف في مغرب الهامش قصة حب لا تنتهي تستحق مسلسل وفيلم ومسرحية
تحية الشيافر ديالنا فين ما كانوا ✌️✌️
المشاركات
0 تعليقات
أكتب لتعليق