لشعب أعزل باغي غا يعيش على أرضو و أرض أجدادو بسلام و كيواجه أقوى قوة عسكرية بصدور عارية و بالحجارة و بأسلحة بدائية

 

 

 

 

 

 

 

 أعتقد أنك كمغربي مهما كانت خلفيتك الدينية أو السياسية أو الإيديولوجية، ما غا تبغيش الظلم يوقع لأي حدّ و لأي شعب فهاد العالم.
الشعب الفلسطيني على سبيل المثال، اللي فعلا لا تربطنا به لا علاقة جورة ولا علاقة أخوّة، بإعتبار أننا حنا أمازيغ أبا عن جدّ، و هوما عرب أقحاح كنعانيين،
لكن كتجمعنا معاهم جوج ديال لحوايج مُهمّة،
أول حاجة، الإسلام الذي يدين به الغالبية الكبرى من الشعبين و اللي كيعتبروا القدس أولى القبلتين و ثالث الحرمين الشريفين.
ثاني حاجة، الإنسانية و هي الأهم صراحة، فما يمكنش تشوف شعب لا حول له و لا قوة يتعرض للإبادة و للمحو د الهوية ديالو بأساليب جديدة و حديثة من طرف قوة إحتلال كتوفّر على قوة السلاح و قوّة الإعلام و قوّة النفوذ.
ما يقع مثلا دابا في القدس هو محاولة لتهجير ما تبقى من عائلات فلسطينية من واحد الحي سميتو حيّ الجرّاح باش يجيبوا بلاصتهم مستوطنين يهود و يستعمروا ليهم ديورهم اللي كانوا ساكنين فيها مئات السنين أبا عن جد.
(شوف الصورة ادناه لعائلة فلسطينية كتشوف فمستوطنين يهود من أصل بلغاري خداو ليهم دارهم اللي كانوا عايشين فيها مئات السنين)
إلى نتا مثلا ما تحرّكتيش نهار الجزائريين جرّاو على مزارعين مغاربة من أرضهم فالعرجة اللي كانوا عايشين فيها مئات السنين، فا الفلسطنيين ماشي بحالك، ما عندهمش مكان أخر يمشيو ليه، هوما السكان الاصليين و مستعدين يموتوا و يموتوا ولادهم فسبيل ديك الأرض المقدسة حسب معتقداتهم الإسلامية.
و أقل حاجة هي أنهم يقاوموا بأرواحهم و بكل ما يملكون من إمكانيات محدودة للدفاع عن أرضهم و هويتهم ضد دولة إتضح بعد سبعبن سنة ديال الوجود انها سرطان فديك المنطقة و غا تبقا سرطان مكروه منبوذ من كل أحرار العالم وجبَ إستئصاله.
للأسف الألة الإعلامية ديالهم قوية، و مخاباراتهم قوية، و نفوذهم قوي و أسلحتهم فتاكة و قوية، و تواطؤ الأنظمة فالدول المحيطةبها قوي، و تواطؤ المسؤولين الفلسطنيين الخونة قوي لكن الشعب الفلسطيني أقوى، علاش أقوى، حيت عندو الشرعية و صاحب حق و مأمن به أشد الإيمان.
ما يقوم به أفيخاي ادرعي و صفحة اسرائيل بالعربية هو تغليط للرأي العام و ترويض خبيث للأجيال الصاعدة اللي ما عاصراتش أيام الإنتفاضات.
و نتا كمغربي حرّ ما ترضاش بالظلم لا ليك و لا اللي عزيز عليك، ما غا خاصكش ترضاه لشعب أعزل باغي غا يعيش على أرضو و أرض أجدادو بسلام و كيواجه أقوى قوة عسكرية بصدور عارية و بالحجارة و بأسلحة بدائية مصنوعة محليا، حيت كل الدول تخلاّت عليه و ولّات كتعتبر المقاومة ديالو ضد المحتل............إ ر ------ ه ----اب.