المغاربة ملوك طريق البلقان ...الهحرة من تركيا نحو أسبانيا

 

شباب مغاربة ينشرون تغريدة على الفيسبوك لمن يهمه الأمر: 😊👍

باغي تجي تحرق على تركيا

خد هاد المعلومات من أخوك مر من نفس الطريق

1_ملي تقطع البي قنع راسك بلي عندك واحد الهدف علاش راك جاي خصك توصله وخا اش يوقع ما ترجعش لور

2_فتح حساب في البنك CIH أو لا بنك BMCE bank وملي تفتحتو قولهم بغيت تخرجو ليا بطاقة عالمية نخرج بها الفلوس من اي دولة حاول تفتحوا قبل ما تجي بشي شهر ولا 25 يوم حيت البطاقة كيخصها 20 يوم ولا 15 يوم باش تخرج لك

3_الفلوس لي تجيب معك تركيا ما تفوتش 250 أورو وملي توصل صرف حاجة قليلة غير باش تقدي وباش تقدى لحاجات ديال الرحلة ولي شاط لك خاليه أورو وطويهم مزيان يجيو صغار ودير لهم سكوطش او لا بلاستيك وكوي عليهم بالبريكة وديرهم في (Man) وما تديرهمش كاملين في جهة وحدة كل 20 أورو أو 30 خزنها في جهة باش إلى قدر الله شدوك البوليس أو گريساج على أقل تمشي غير حاجة قليلة ماشي كلشي وما تنساش ملي توصل تركيا جرب ديك البطاقة البنكية شوفها واش خدامة حيت غادي تنفعك بزاف وحتى هي خبيها مزيان لي مايلقاوهاش باش ملي توصل بلغاريا ولا اليونان غادي تحتاج الفلوس ما تلقاش لي يخرج لك او إلى لقيتي غادي يطلبك 10 أورو في كل 100 أورو نتا ملي توصل كل دولة غادي يفيرسيو لك موالين داركم غير باش تدير الرحلة صافي نصيحة ما تخاليش معك فلوس فوق 200 أورو 

4_شوف قروب مليح لي توقفوا مع بعضياتكم حتى توصلو حيت كاين واحد النوع منين تمرض فالغابة غادي يخاليك ويزيد

5_حتى واحد ما تقولو بلي عندك فلوس حيت ممكن تنعس ويسرقوك

6_قبل ما تدير الرحلة جهزو روسكم وخودو باور بانگ لي يكفاوكم في لاشارج وعلى اقل يكونو 2 تليفون في القروب حيت ممكن واحد يخسر أو يفزگ بالماء حيت التليفون هو لي غادي يوريك فين تمشي

7_لازم تشرجيو Mapsme وتشارجيو الدول وتأكد أنه الدول مشارجين عاد دير الرحلة 

8_خود معك فيتامين c وخود معك فنيد نتاع الرأس وشوية دواء نتا لانكول نتاع وانتي بيتيك لا قدر الله جرح أو قرساتك حاجة وشوية فاصمة

9_ الباسبور بالنسبة الجزائريين لازم تشوف واحد تيقة تخلي عندو الباسبور أو عندك حل ترسلوا لواحد من عائلتك في أوروبا ترسلوا في DHL وبالنسبة المغاربة تقدر إلى ما لقيتيش واحد تيقة لي يشد لك الباسبور غلفو بالبلاستيك ودور عليه سكوطش وردمو في الأرض في بلاصة ما تكونش تبنى أو تحرت والبلاصة فين تدفنو حط نقطة في mapsme ودير ليها سكرين وحتفظ بيها في المسنجر وماتنساش تصور اللبي والباسبور وتحتفظ بهم في مسنجر

10_ما تيقش في واحد لي يقولك نحرقك حيت كاينين النصابة بزاف 

11_خد الماكلة لي فيها الطاقة وتكون حلوة وشوية التمر والزبيب وبيسكوي مهم عرف كيفاش تقدى الماكلة نتاع الرحلة ودير بحساب الماكلة تفرقها على أيام خد معك 2 قرعات نتاع الماء وخا رآه موجود الماء في اليونان ولكن احتياط  خود ساكوساج شوية خفيف ويكون دافئ تنعس فيه حيت كيكون البرد خود ساكادو لي يكون صحيح باش ما يطقطعش لك فالطريق وما تنساش البرأة والخيط باش تخيط تديهم معك 

12_لي غادي يشد التليفون و mapsme احترموه وخلوه يركز مع النقاط والطريق والبلاصة لي فيها الريسك إفيتيها ماشي مشكل زيد عليك 2كلومتر حتى 3 اهم حاجة هو ماطيحش سيرو بالسكات ودنيكم وعينيكم ديما على بال ما تخاليوش شي  بلغاري ولا يوناني يشوفكم 

13_وخا تعيا الصبر تم الصبر وفاش تحس برأسك بديتي كتفشل فالطريق تفكر والديك بلي كيفتخرو بك واستغفر الله وتفكر بلي افريقيا اللاعينة كتر من هداك التعب لي فيه نتا مهم كما وما تستسلمش مهما كانت الظروف والحاجة لي فيها الخطر ولا غادي تأدي بحياتك الخطر بلاش منها حيت أوروبا ماشي جنة صحتك هي الأولى إلى وصلتي أوروبا ونتا ناقص صحة هي والو

14_صلي ركعات وصلاة استخارة وتوكل على الله ولي مكتبها ربي هي لي غادي تكون فالطريق عواض فاش تبدى غادي وتهضر بقى تستغفر الله فخطرك

15_لا تقل غدا إبدأ الآن ...

16_المغاربة ملوك طريق البلقان .

الله اسهل على الجميع  🇹🇳🇩🇿🇹🇷🇲🇪

🇪🇺🖤